Galbaixuak, Samikolla eta San Jeronimoko jaiak Mutrikun iraila festa-giroan igarotzeko

2017/09/04
Egun handia irailaren 14an izango da, Galbaixo Eguna, hain zuzen. Dena den, aurreko egunetan ere jai giroa gailenduko da: irailaren 8an eta 9an Samikollak ospatuko dira; igandean, hilak 10, San Nikolas eguna, eta, hilabetea behar bezala amaitzeko, San Jeronimo Jaiak, irailak 30 eta urriak 1.

Hil honetan Mutrikura gerturatzen den inork ez du aspertzeko betarik izango; iraila hilabete aproposa baita itsas-zaporea duen Debabarreneko herri honetaz behar bezala gozatzeko. Izan ere, musika, herri-kirolak, dantza tradizionalak zein ohitura zaharrak uztartzen dituzten hainbat festa hartuko ditu herriak datozen asteotan.

Kontsultatu hemen egitarau osoa eta zatoz Mutrikura. Murgildu jaietan!