BTT - Mendi bizikleta ibilbideak

Gipuzkoako lehen BTT Zentroa, Euskadiko hirugarrena, Debabarrenean kokatuko da, Bilbo, Donostia eta Gasteiztik 30 minutura. Zentroaren harrera puntua Elgoibarko Mintxetako Kirolgunean kokatuko da.

Eskualdearen kostaldeko lerroan hondartzak, kalak eta itsaslabarrak aurkituko ditugu, mundu osoan interesgarrienetakoak diren eraketa geologikoekin (flysch-a). Paisaian, kontrastean ageri dira eta era berean bat egiten dute, kostaldeko urdinak eta mendialdeko berde biziak. Erabateko ustekabe atsegina bisitariarentzat.

Debabarrena BTT Zentrora gerturatzen direnak 16 ibilbidez gozatu ahal izango dute, batzuk mendi bizikletan eskarmentu handia dutenei zuzenduak eta besteak familiei zuzenduak, zailtasun maila desberdinekoak, ia 400 km guztira.

Harrera puntuan, ibilbideen eta BTT praktikaren inguruko zerbitzuen (bizikleten alokairua, aldagelak, parking-a?) informazioa eskainiko da. Ibilbideetan barrena, Informazio Pertsonalizatua eskeiniko duten 7 puntu ere egongo dira (Deba eta Mutrikuko Turismo Bulegoak eta eskualdeko 5 Kanpinak). Bestalde, sareko hainbat toki estrategikotan informazio estatikoko 13 puntu ezarriko dira.

Ibilbideen informazio guztia hemen aurkituko duzu.