Hemen zaude: Hasiera Zer ikusi? Ondare historiko eta artistikoa

Ondare historiko eta artistikoa

Debabarrenean, denborak eta garapenak ezin izan dute ezabatu milaka urteko ondare aberatsa. Ekaingo kobak (Deba), adibidez, mundu mailako pintura aztarna oso garrantzitsuak dira, Gizate Ondare direlarik.

Ekaingo Kobak, Deban.

Arte-erlijio ondarearen barruan, aipagarriak dira Debako Santa Maria eliza (Monumentu Nazionala eta Euskal Gotikoko altxorra) edo Eibarko San Andres, eta baita beste santutegi batzuk ere, adibidez Itziarren, Arraten eta Ezozian Andre Mariari eskainitakoak.

Debako Santa Maria Eliza, Euskal Gotikoko Altxorra eta Monumentu Nazionala.

Debabarrenean ondare artistiko aberatsa aurkituko duzu.

Herri ondarearen barruan, aipagarria da Mutriku herri marineleko Alde Zaharra, Monumentu Multzoa izendatua, jauretxe barroko ederrez hornitua, eta baita eskualde guztian aurki daitezkeen dorretxe ugariak ere.

Mutrikuko Alde Zaharra, Monumentu Multzo izendatua.

Oso xumea bada ere, landa arkitektura da gure herrietako iragana eta bizimodua hobekien laburbiltzen duena. Horrela, eskualdean zehar baserri armarridun, antzinako errota eta karobi xume ugari ageri dira. Horiek guztiak gaur egun altxor etnografiko oso baliotsuak dira.