Euskal kostaldea

Euskal kostaldea, Debabarrena

Debabarreneko kostaldean hondartza ugari daude: Debakoa, Ondarbeltzekoa, Mutrikukoa eta Saturrarangoa adibidez. Eguzkitan beltzeaz eta ur ederrez gozatzeaz gain, kirola egiteko aukera paregabea izango duzu, besteak beste piraguismoa, surfa edo windsurfa. Euskal Herriko kostaldea ezagutzeko leku zoragarria da Debabarrena.

Tokian tokiko gauza bereziez gozatzearen aldekoa bazara, horra hor Mutriku herri marineleko kale aldapatsuak.

Lasaitasun eta bake bila bazabiltza, berriz, hor dituzu Debako Mendata, Aitzuri eta Sakonetako kalak, baita Mutrikuko Zazpi Hondartzak ere. Leku harritsu horiek paregabeak dira arrantzan edo urpean igeri egiteko.

Erregeen Atsedenleku

XIX. mendearen erdialdera Madrilgo aristokrazia Bizkaiko itsasaldeko bainuetxe eta hondartzetara sarritan etortzen hasi zen.

1845. urtean Isabel II. erreginak Gipuzkoara bidaia bat egin eta Kontxako hondartzan bainatu zen, eta Eujenia Maria de Montijo enperatriza, hau da, Napoleon III.aren emaztea, udaldiak Biarritzen pasatzen hasi zen.

1840. urte aldera Frantzia eta Espainian udaldia igarotzeko zeuden hondartza bakarrak Donostiakoa, Biarritzekoa eta Debakoa ziren.