Debabarrena Turismoa Debabarrena turismo
Hemen zaude: Hasiera Albisteak VI. Pintxo Lehiaketa Elgoibarren, ekainaren 10etik 13ra bitartean

VI. Pintxo Lehiaketa Elgoibarren, ekainaren 10etik 13ra bitartean

2014/06/09
  • Elgoibar
  • Lehiaketa
Guztira, 32 establezimenduk parte hartuko dute.

Ekainaren 10etik 13ra bitartean VI. Pintxo Lehiaketa ospatuko dute Elgoibarren. Guztira, 32 establezimenduk parte hartuko dute. Horien artean,  Lerun, Aterpe, Otzak, Sigma, Ibai-Ondo, Gautxo, Kaia, Maala, Pilon, Malape, San Roke, Salento, Tantaka, Jai-Alai, Usua, Larre, Iriondo, Gran Siglo, Viento Sur, King-Kong, Orbea, Gabi, Iturri, Ametsa, Lanbroa, Txarriduna, Marem, Ilunpe, Xagua, Urkiola, Mahats eta Gorbea izango dira.

Pintxoen prezioa 1,10 eurokoa izango da eta ekainaren 10ean, 11ean eta 12an (asteartea, asteazkena eta osteguna) dastatu ahal izango dira, 19:00etatik 22:00etara, eta 13an, (ostirala) 12:00etatik 15:00etara eta 19:00etatik 22:00etara.

Hiru sari

Aurreko urteetan bezala, epaimahaiak hiru sari emango ditu: Elgoibarko pintxo onenari, "Baserrikoa" deituriko pintxoari (herriko baserrietako produktuez egindako pintxoa) eta herritarrek aukeratutako pintxoari.

Horretaz gain, pintxoak baloratzeko orduan, botoa ematen duten pertsona guztien artean Belaustegi jatetxeko menu-dastaketa bat zozketatuko da.